Daksh News

परळी.दि.१८- : कोरोनाच्या वाढत्या प्रादुर्भावाच्या पार्श्वभूमीवर बीड जिल्ह्याच्या खासदार डॉ.प्रितमताई मुंडे यांनी परळी शहरातील कोविड सेंटरला भेट देऊन आरोग्य व्यवस्थेचा आढावा घेतला. बीड जिल्ह्यात परळीसह इतर तालुक्यांमध्ये मोठ्या प्रमाणात कोरोना रुग्णांची संख्या वाढत असल्यामुळे प्रशासनातर्फे मिशन झिरो अभियान राबविण्यात येत आहे.या पार्श्वभूमीवर खा.प्रितमताई मुंडे यांनी परळी शहरातील अँटीजन टेस्ट केंद्रांना आज भेट देऊन नागरिक व व्यापाऱ्यांशी संवाद साधला व मिशन झिरोसाठी सहकार्य करण्याचे आवाहन केले. परळी शहरातील नटराज सभागृह, सुभाष चौक परिसरातील सरस्वती विद्यालय व माळी वेस भागातील अँटीजन टेस्ट केंद्रांना भेट देऊन खा.डॉ.प्रितमताई मुंडे यांनी नागरिक व व्यापाऱ्यांशी संवाद साधला. कोरोनाचा वाढता प्रादुर्भाव रोखण्यासाठी आरोग्य व्यवस्था व प्रशासनाला सहकार्य करण्याचे आवाहन यावेळी त्यांनी केले.तर नागरीक व व्यापाऱ्यांची गैरसोय होणार नाही याची खबरदारी घेण्यासाठी अँटीजन टेस्ट केंद्रांवर टेस्टिंग टेबल्स वाढवण्याच्या सूचना देखील त्यांनी यावेळी प्रशासनाला केल्या. परळी शहरातील बाबासाहेब आंबेडकर वस...

परळी (दि. १८) - : बीड जिल्ह्याचे पालकमंत्री तथा परळीचे आमदार धनंजय मुंडे यांनी परळी शहरात व्यापारी वर्गाच्या सुरू असलेल्या अँटिजेन टेस्ट केंद्रांना भेट देऊन माहिती घेतली. यावेळी दररोज ३००० टेस्ट पूर्ण होतील अशी दक्षता घेण्याच्या सूचना ना. मुंडे यांनी संबंधित अधिकाऱ्यांना दिल्या. तसेच या टेस्टसाठी आरोग्य विभागाकडे मुबलक प्रमाणात किट्स उपलब्ध असून सरसकट व्यापाऱ्यांनी या टेस्ट करून घ्याव्यात असे आवाहन धनंजय मुंडे यांनी व्यापारी बांधवाना केले आहे. यावेळी ना. मुंडे यांच्यासह न. प. चे गटनेते वाल्मिक अण्णा कराड, बाजीराव भैय्या धर्माधिकारी, चंदुलाला बियाणी, राजा खान, भाऊड्या कराड, बाळू लड्डा, रवी मुळे, विजय भोयटे, सुरेश टाक, नितीन कुलकर्णी, शंकर आडेपवार, अनंत इंगळे, परळीचे उपजिल्हाधिकारी गणेश महाडिक,  तहसीलदार विपीन पाटील, न.प. मुख्य कार्यकारी अधिकारी अरविंद मुंडे, वैद्यकीय अधिकारी डॉ. कुरमे, डॉ. मोरे, डॉ. चाटे, नायब तहसिलदार रुपनर, चेतन सौंदळे, संग्राम गित्ते, गिरीश भोसले, मोहन साखरे, भागवत गित्ते यांसह परळीतील व्यापारी मोठ्या संख्येने उपस्थित होते. कोरोनाची मास स्प्रेडिंग था...

परळी (प्रतिनिधी) -: शहरात आरोग्य प्रशासनाच्या वतिने शहरातील व्यापारी कामगार भाजी विक्रेते अदी नागरिकांच्या अॕन्टीजन टेस्ट तपासणी कार्यक्रम आज सकाळी 9 वाजल्या पासुन चार बुथवर सुरु करण्यात आला सकाळी 11 वाजे पर्यत 195 नागरिकांनी आपली अॕन्टीजन तपासणी करुन घेतली आहे.या 195 पैकी 179 व्यक्ती निगेटिव्ह आढळुन आले तर 16 व्यक्ती कोरोना बाधीत आढळुन आले आहेत. बुथ क्रमाक 1]लोकनेते गोपीनाथ मुंडे नटराज रंग मंदीर येथे 60 नागरिकांची अॕन्टीजन तपासणी झाली यामध्ये 54निगेटिव्ह तर 6पाॕझिटिव्ह आढळुन आले आहेत. बुथ क्रमांक 2]सरस्वती विद्यालय येथे 35 नागरिकांची अॕन्टीजन तपासणी झाली यामध्ये 34निगेटिव्ह तर 1पाॕझिटिव्ह आढळुन आला आहे. बुथ क्रमांक 3] बस स्थानक येथे 25 नागरिकांची अॕन्टीजन तपासणी झाली यामध्ये 24निगेटिव्ह तर 1 पाॕझिटिव्ह आढळुन आला आहे बुथ  क्रमांक4] प्राथमिक आरोग्य केंद्र येथे 75 नागरिकांची अॕन्टीजन तपासणी झाली यामध्ये 67 निगेटिव्ह तर 8 पाॕझिटिव्ह आढळुन आले आहेत. उपविभागीय अधिकारी गणेश महाडिक,तहसीलदार विपीन पाटिल,वैद्यकीय अधिक्षक डॉ दिनेश कुरमे,तालुका आरोग्य अधिकारी डॉ लक्ष्मण मोरे,नायब ...

परळी (प्रतिनीधी) -:   पांगरी पं.स.गणाच्या सदस्य सौ मिरताई वसंत तिडके तथा पांगरी ग्रामपंचायत उपसरपंच ऍड श्रीनिवास मुंडे यांचे वडील  पांगरी सेवा सोसायटीचे माजी चेअरमन धोंडीराम मुंडे यांचे काल रविवार  दि.16 रोजी निधन झाले.मृत्युसमयी त्यांचे वय 70 वर्षे होते.ते परळी तालुक्यातील राजकिय,सामाजीक क्षेत्रातील सुपरिचित व्यक्तीमत्व होते.  पांगरी सेवा सोसायटीचे पंचवीस वर्षे चेअरमन पद,पांगरी गावचे दहा वर्षे सरपंचपद,खरेदी-विक्री संघाचे सदस्यापद भुषविलेले धोडींराम मुंडे हे राजकिय व सामाजिक क्षेत्रात सतत सक्रिय होते.रविवार दि.16 ऑगस्ट रोजी रात्री 10.30 च्या सुमारास त्यांची प्राणज्योत मालवली त्यांच्या पश्चात तीन मुलं,एक मुलगी सुना नातवंडे असा परिवार असुन कै.धोडींराम मुंडे यांच्या पार्थिवावर पांगरी येथे आज दि.17 रोजी अंत्यसंस्कार करण्यात आले तर राख सवडण्याचा कार्यक्रम दि.18 रोजी सकाळी 7 वाजता आहे

मुंबई,दि.१७ - मुंबईत येथील आंबेडकर भवन या ठिकाणी आज वंचित बहुजन आघाडीचे अध्यक्ष प्रकाश आंबेडकर यांची पत्रकार परिषद पार पडली, या पत्रकार परिषदेला बेस्ट तसेच एसटी महामंडळाच्या युनियनचे  कर्मचारी उपस्थित होते. राज्यातील सार्वजनिक वाहतूक सेवा सुरळीत करावी तसेच मंदिरे खुली करण्यासाठी सर्व साधुसंतांना पाठिंबा देण्यात येईल, अशी माहिती ऍड.प्रकाश आंबेडकर यांनी यावेळी दिली. पत्रकार परिषदेत बोलताना  प्रकाश आंबेडकर म्हणाले एसटी महामंडळ व बेस्ट कर्मचाऱ्यांची एक बैठक आज घेण्यात आली  होती. बेस्ट शंभर टक्के चालू आहे. ही बातमी खोटी आहे ज्या लहान बस कॉन्ट्रॅक्ट बेसवर आहेत त्या पूर्ण चालू आहेत. तर बेस्ट मालकीच्या केवळ १५ टक्के बस चालू आहेत. काँट्रॅक्टदाराच्या बस चालू असल्यामुळे बेस्टचा तोटा होत आहे. याचा खुलासा सरकारने केला पाहिजे. असा सवालही प्रकाश आंबेडकर यांनी उपस्थित केला. एसटी महामंडळ हे खाजगी करणाच्या मार्गावर आहेत. याच बरोबर एसटी महामंडळामध्ये वाहक चालकांच्या नोकऱ्या आता धोक्यात आहेत. त्याबाबत कामगारांना आम्ही काही सूचना केलेल्या आहेत.  वंचित बहुजन आघाडी एसटी महामंडळ...

परळी वै. (प्रतिनिधी) - : कोरोना  आजाराच्या पार्श्वभुमीवर आपल्या आरोग्य सुरक्षेच्या दृष्टीकोनातून अ‍ॅन्टीजेन टेस्ट महत्वाची असल्याने व्यापारी व नागरिकांनी आपापली अ‍ॅन्टीजेन टेस्ट करुन घ्यावी व कोरोना संसर्गाची साखळी खंडीत करण्यासाठी नागरिकांनी निर्धार करावाअसे आवाहन राष्ट्रवादी काँग्रेसचे शहराध्यक्ष बाजीराव भैय्या धर्माधिकारी यांनी केले आहे.           जिल्ह्यात वाढत चाललेल्या कोरोना रुग्णसंख्येच्या पार्श्वभुमीवर कोरोनाचा रुग्ण तातडीने तपासला जावा या दृष्टीकोनातून पालकमंत्री ना.धनंजय मुंडे यांच्या सूचनेनुसार व जिल्हाधिकारी राहुल रेखावार यांच्या निर्देशानुसार बीड जिल्ह्यात दि. १८ ते २० ऑगस्ट या कालावधीत परळी, अंबाजोगाई, केज, माजलगाव येथे व्यापार्‍यांची अ‍ॅन्टीजेन टेस्ट होणार आहे. या पार्श्वभुमीवर परळीसह ४ ठिकाणी उद्यापासून अ‍ॅन्टीजेन टेस्ट होत आहेत. व्यापारी बांधवांना अ‍ॅन्टीजेन टेस्ट बंधनकारक आहे.शहरात विविध ठिकाणी टेस्ट सेंटर तयार करण्यात आली असून विभागानुसार कोणत्या व्यापार्‍यांनी कोणत्या केंद्रावर अ‍ॅन्टीजेन टेस्टसाठी स्वॅब द्यायचा आहे त्याची ...

परळी (दि. १७) - : भारताच्या कृषिप्रधान संस्कृतीतील महत्त्वाचा मानल्या जाणाऱ्या पोळ्याच्या सणाच्या निमित्ताने बीड जिल्ह्याचे पालकमंत्री धनंजय मुंडे यांनी शेतकरी - पशुपालक बांधवांना शुभेच्छा दिल्या आहेत; तसेच जिल्ह्यातील कोरोनाच्या वाढत्या प्रादूर्भावाच्या पार्श्वभूमीवर यावर्षीचा पोळा साधेपणाने साजरा करण्याचे जिल्हावासियांना आवाहन केले आहे. शेतकऱ्याचा सर्वात जवळचा साथी असलेल्या बैलाची व शेती संबंधित पशुंची पूजा करून वाजत गाजत आनंदाने मिरवणूक काढण्याची परंपरा पोळ्याच्या निमित्ताने दरवर्षी वृद्धिंगत होत असते. यानिमित्ताने वर्षभर मेहनत करणाऱ्या बैलजोडीचे, पशूंचे शेतकरी जणू आभार मानत असतात. बीड जिल्ह्यात विशेषकरुन ग्रामीण भागात या दिवशी दरवर्षी शेतकरी बांधवांमध्ये मोठा उत्साह पाहायला मिळतो. परंतु राज्य व जिल्ह्यात सध्या दिवसेंदिवस कोरोनाचे नवे रुग्ण आढळून येत आहेत. जिल्ह्यातील काही महत्वाच्या शहरांमध्ये संपूर्ण संचारबंदी लागू आहे, याच पार्श्वभूमीवर राज्य व जिल्हा प्रशासनाने पोळा सणाच्या निमित्ताने सार्वजनिक उत्सव - मिरवणूक करण्यास मनाई केली आहे. जिल्ह्यातील जनतेने गेल्या काही दिव...