अजय मुंडे यांनी सूचना देताच अधिकारी स्थळ पाहणीसाठी थेट शेतकऱ्यांच्या बांधावर ; बोगस बियाणे विकणाऱ्या कंपनीचे धाबे दणाणले ! सोयाबीन बियाणे उगवले नसल्याच्या तक्रारीत मोठी वाढ ; लवकरच तालुका बियाणे तक्रार निवारण समिती वरिष्ठांकडे अहवाल करणार सादर
तालुक्यातील मोठ्या प्रमाणावर खरीप हंगामासाठी सोयाबीन बियाण्यांची पेरणी केली आहे. लाखो रु खर्च करून विविध नामांकित कंपनीचे सोयाबीन बियाणे शेतकऱ्यांनी पेरले पण ते उगवले नसल्याने हजारो हेक्टर वरील पेरणी क्षेत्र वाया गेले आहे, याच बरोबर शेतकऱ्यांवर दुबार पेरणीचे संकट ओढवले आहे. यांमुळे शेतकऱ्यांचे मोठे आर्थिक नुकसान झाले आहे, बियाणे कंपनीने शेतकऱ्यांची सर्रास फसवणूक करून आर्थिक लूट केली असल्याचा आरोप शेतकऱ्यांनी स्थळ पाहणी करण्यासाठी आलेल्या पथकाकडे केला आहे.
परळी तालुक्यातील १७ गावातील ५० पेक्षा अधिक शेतकऱ्यांनी दिलेल्या तक्रारीवरून विविध पथका मार्फत शेतकऱ्यांच्या बांधावर जाऊन पेरलेले सोयाबीन बियाणे उगवले नसल्याची थेट शेतकऱ्यांच्या बांधावर जाऊन पाहणी केली. यावेळी तालूका कृषी अधिकारी सोनवणे यांच्या पथकाने मौजे मांडवा येथे पाहणी केली तर दुसरे पथक प्रमुख एस.एस. गादेकर यांच्या पथकाने कासारवाडी येथे सोयाबीन पिकांची पाहणी केली. यावेळी मांडवा ग्राम. प. सदस्य मोहन साखरे, कसारवाडीचे बंडू गुट्टे, विकास फड, शेतकरी राम दराडे, मधुकर तिडके, बाबूराव चाटे, भाऊसाहेब मुंडे, मधुकर साखरे, बाळू फड, वैजनाथ आघाव, बाबू दराडे, राजेभाऊ कराड, प्रमेश्वर साखरे, मारोती मुंडे, कृषी मंडळ अधिकारी मोरे के.टी. कृषी सहाय्यक तिडके पि.डी.सावळे, कृषी विस्तार अधिकारी एस. एल. कांदे, कृषी सहाय्यक एस.एस. गव्हाणे, एस. आर. जायभाये, के.वाय. वाघमारे आदी उपस्थित होते.
Comments
Post a Comment